Веќе на меѓународниот автомобилски саем во Минхен во септември, германскиот производител „Mercedes-Benz“ го претстави вториот член на семејството каравани за сите терени. Тој се појави на пазарот 4 години по премиерата на „E-Class All-Terrain“, сега се познати и цените на караванот за тежок терен.
Всушност, „Mercedes“ ја нуди оваа верзија на „C-Class“ како алтернатива на популарните „SUV“ модели. Караванот има зголемено растојание од подлогата и има голем број теренски системи и карактеристики кои треба да го направат популарен кај клиентите. Моделот излегува во две верзии – „C 200 4MATIC“ и „C 220 d 4MATIC“, кои во Германија ќе се продаваат од 53.014 евра, односно 55.394 евра.
Верзијата „C 200 4MATIC“ е придвижувана од 1,5-литарски мотор кој развива 204 ks и 300 Nm вртежен момент. Оваа варијанта забрзува од 0 до 100 km/h за 7,5 секунди и развива максимална брзина од 231 km/h.
Поскапиот „C 220 d 4MATIC“ има 2,0-литарски мотор во истата конфигурација, со моќност од 204 ks и 440 Nm, а времето на забрзување од 0 до 100 km/h е 7,8 секунди. Максималната брзина овде е иста – 231 km/h, во тој случај моторот работи со стартер-генератор и електричен систем од 48 волти.
Двете верзии на „All-Terrain“ се стандардно достапни со систем за погон на сите тркала „4MATIC“, задна врата „EASY-PACK“, внатрешност „AVANTGARDE“ и „LED“ фарови со високи перформанси. Караванот, исто така, ги добива сите карактеристики, вклучувајќи го подобрениот систем „MBUX“ и збир на безбедносни системи, кои се достапни и во стандардната „C-Class“.
