Истражувачите од водечкиот институт за технологија во Јужна Кореја имаат предлог за следната генерација автомобили.
Тим на истражувачи од јужнокорејскиот институт за наука и технологија (Korea Advanced Institute of Science and Technology) создадоа прототип на електричен автомобил „Armadillo-T“, кој може да се намалува. Автомобил може да биде смален од првичните 2,8 метри, колку што е големината на еден Smart, до 1,65 метри.
Возилото се збира во задниот дел нагоре и го опфаќа предниот. Функцијата за склопување се активира преку смартфон, откако возачот ќе излезе од него. Така возилото е со тежина 450 килограми и зазема само една третина од 5-метарско паркинг место, овозможувајќи им на уште две возила од неговиот тип да паркираат до него.
Автомобилот има максимална брзина од 60 км / ч и може да помине 100 километри по десетминутно полнење. Авторите на проектот соопштија дека владини агенции и приватни компании покажале интерес за нивниот пронајдокот, но големите производители како „Hyundai Motor“ и „Kia Motors“ не брзаат да го вклучат автомобилот во производство.
