Крипто-треска ја тресе БиХ, а тоа го потврдува и податокот дека бројот на регистрирани корисници во единствената менувачница за дигитални пари постојано расте, а прометот во ноември годинава во однос на крајот на минатата година е зголемен за 693,88 отсто.
Глобалниот тренд на тргување со дигитални пари станува дел од нашето секојдневие, особено во време на пораст на цените на пазарот на криптовалути, кога рапидно расте бројот на оние кои тргуваат со овој вид пари.
Деновиве еден од најпопуларните, биткоинот бележи историски максимум од 69.000 долари, па може да се очекува дека расте интересот на населението за оваа валута. Дека има се повеќе луѓе кои тргуваат со дигитални пари, потврдува и фактот што во февруари во единствената берза за криптовалути во БиХ имало околу 3.000 регистрирани корисници, додека сега ги има околу 8.500.
Извршниот директор на компанијата „Digital Assent Management“, позната по брендот „Balkan Crypto Exchange“ (BCY), Борис Мајсторовиќ, за „Glas Srpske“ посочува дека трендот на раст е постојан од нејзиното основање во 2018 година.
„Прометот на платформата „BCX.ba“ на 11 ноември достигна 17,5 милиони марки, што е за 693,88 отсто повеќе од крајот на минатата година. Бројот на успешни трансакции е зголемен за 444,38 отсто, односно од 1.922 се зголемил на 10.463 трансакции – истакнува Мајсторовиќ и додава дека нудат шест криптовалути и тоа Bиткоин, „Eтереум“, „Лајткоин“, „Биткоин Кеш“, „ Тетер ” и „ Етереум Класик “. Тој посочи дека се работи на вклучување на некои нови, како и поддршка на една домашна криптовалута. Мајсторовиќ додава дека најпопуларните криптовалути на оваа платформа се истите оние кои се од најголем интерес во светот, кои сочинуваат 60 отсто од пазарната капитализација на крипто-пазарот, и тоа „Биткоин“ и „Етереум“, пренесува Индикатор. ба
