Грција и во 2014 година ќе има потреба од помош од меѓународните партнери, изјави германскиот министер за финансии Волфганг Шојбле.
Првпат Шојбле призна дека на Грција и понатаму ќе и треба финансиска помош.
Тој наведе дека веднаш ќе побара да има програма за помош за Грција, при тоа додавајќи оти најверојатно нема да има ново опростување на грчкиот долг.
Претходно, неименуван извор од Европската унија изјави дека Владата на Грција почна тајни консултации со ЕУи Меѓународниот монетарен фонд за добивање на трета финансиска помош.
