Европа може да се соочи со половина милион смртни случаи од Ковид-19 до февруари: „Повторно сме епицентар на пандемијата“

Европските земји се соочуваат со нови дневни рекорди на заразени со Ковид-19, а Светската здравствена организација (СЗО) предупредува дека таквата висока стапка на пренос може да доведе до половина милион дополнителни смртни случаи на континентот до февруари.

Темпото на пренос на вирусот во Европа е многу загрижувачко, објави Светската здравствена организација (СЗО), а таквата висока стапка на пренос може да доведе до половина милион дополнителни смртни случаи во Европа до февруари.

Повторно сме епицентарот, изјави директорот на СЗО за Европа Ханс Клуге на видео конференција, пренесува Ројтерс.

Сегашната стапка на зараза во 53 земји во европскиот регион е многу загрижувачка, ако останеме на тој пат, до февруари би можеле да имаме уште половина милион смртни случаи предизвикани од болеста Ковид- 19, рече тој.