„Volvo“ ја претстави редизајнираната верзија на својот најдобро продаван модел „XC60“ кој доби нов преден дел со нова форма на хаубата кај која е нагласен широкиот и сигурен изглед.
„Volvo XC60“ исто така доби и унапреден ентериер. Новите карактеристики вклучуваат нови дрвени украси, обложени Б столбови и тесни метални рамки околу отворите за вентилација и контролните копчиња.
Возилото го карактеризира висок клиренс, како и водечка во класата шасија во смисла на сигурноста и стабилноста. „Volvo XC60“ е дизајниран за да може возачот да се движи и по недостапните патеки надвор од патиштата со еднаков степен на комфор како и кога вози по патиштата.
Со системот за погон на сите четири тркала „XC60“ станува многу добро и разновидно возило за било какви временски услови.
Новиот „Volvo XC60“ доби „D5“ мотор кој развива 215ks, како и „D4“ верзијата на моторот која развива моќ од 163ks.
Двата агрегати се достапни со мануелна трансмисија, како и со системи за погон на сите четири тркала со потрошувачка на дизел горивото од 5.3L/100km и емисија од 139g/km.