Телевизијата „Al-Jazeera“, чија централа се наоѓа во Катар, ќе пушти свој телевизиски канал во САД.
Новиот канал „Al-Jazeera America“ е создаден врз основа на американскиот кабелски канал „Current TV“, основан од поранешниот потпретседател Ал Гор. „Al-Jazeera“ го купи во јануари.
Со тим од околу 1.000 лица и база во Њујорк, новиот канал планира секојдневна 14-часовна чисто новинска програма. „Al-Jazeera America“ ќе има 11 канцеларии во земјата и за него ќе работат некои познати американски телевизиски новинари, меѓу кои и ветерани од „CNN“.
Каналот ќе емитува само шест минути реклами на час, што е два пати помалку од стандардното време за рекламирање на американските телевизиски канали.
Со пуштањето на новиот канал „Al-Jazeera“ запира со емисијата на англиски јазик која се прикажува на интернет.
