Биткоинот денес ја надмина границата од 55 илјади долари, за прв пат по четири недели, благодарение на побарувачката на институционалните инвеститори. На почетокот на септември, биткоинот падна под таа граница поради големата распродажба на акции на компаниите кои работат со криптовалути и блокчејн технологија.
Биткоинот накратко достигна 50.808,25 долари во вторникот, стабилизирајќи се тогаш на 50.498 долари, додека денес се движеше нешто повеќе од 55.000 долари. Зголемувањето на вредноста се објаснува со проширувањето на понудата на институционални услуги во криптовалути во банките и финансиските институции, ки настојуваат да ја задоволат зголемената побарувачка на инвеститорите.
Американскиот “Банкорп” објави дека воведува услуга за управување на средства во криптовалути, наменета за менаџерите за институционални инвестиции кои имаат приватни средства во САД и Кајманските Острови. Анализата на Коиндеск покажа дека биткоинот порасна за 25 проценти, а етерот за 32 проценти во третиот квартал, наведува Ројтерс.
Растот на биткоинот го прати втората највредна криптовалута, етериум, која моментално вреди 3.618 долари.
