Во грузискиот град Батуми денеска се урна дел од станбена зграда, а има и жртви, пренесуваат агенциите.
Под урнатините на петкатната зграда има заробени лица меѓу кои и деца.
Екипи на брза помош, пожарникари и полиција поставија кордон околу урнатата зграда на местото на несреќата.
Видеата објавени на социјалните мрежи покажуваат спасувачки тимови со тешка механизација како ги расчистуваат урнатините.
Засега не е позната причината за несреќата.