Британскиот производител „Aston Martin“ подготвува нова верзија на својот кросовер „DBX“. Моделот ќе добие додаток „S“ на името, и ќе биде најмоќниот во гамата на модели, пренесува „Motor1“, кој објавува и фотографии од тест прототип на возилото.
Во моментов, стандардниот „DBX“ има 4,0-литарски твин-турбо V8 мотор од „Mercedes-AMG“ со 550 ks. Забрзува од 0 до 100 km/h за 4,5 секунди и има максимална брзина од 281 km/h. Сепак, значително заостанува зад „Bentley Bentayga Speed“ и „Lamborghini Urus“, кои развиваат 306 и 305 km/h, соодветно.
„Aston Martin“ одлучи дека може успешно да се натпреварува со овие два модели и затоа подготвува верзија на „DBX S“, под хаубата на која, според информациите, ќе се наоѓа или V12 мотор или хибридна единица со 4,0-литарски V8 во основата. Во првиот случај, моќноста ќе биде 700 ks, а во вториот – 730 ks.
Разликите помеѓу стандардниот „DBX“ и „S“-верзијата може да се видат дури и со камуфлираниот прототип. На пример, помоќниот кросовер има 4 издувни цевки наместо две, како и големи доводи за воздух за поефикасно ладење на моторниот простор.
Сето ова значи дека во блиска иднина „DBX“ ќе биде достапен во 3 нови модификации, од кои едната е „S“-верзија, а втората – хибрид. Тој ќе се појави во 2024-та година, и ќе се базира на 4.0-литарски V8 бензински мотор во комбинација со електричен мотор.
Што се однесува до третата опција, таа ќе биде објавена подоцна во оваа година, потпирајќи се на стандарден хибриден погон. Во овој случај, ќе се комбинираат 3.0-литарски турбо мотор со 6 цилиндри, 9-степен автоматски и систем за погон на четири тркала на „Mercedes-AMG“.
Покрај тоа, „Aston Martin“ подготвува нови варијанти на каросеријата кои ќе бидат во поагресивен стил. Се очекува верзија слична на купе, како и продолжена модификација. Така, во 2024-та година, семејството „DBX“ ќе вклучува дури 6 варијанти.
