Слезот е билка која потекнува од Африка, но која се проширила во Европа и Азија. Таа е еден од најпознaтите народни лекови против кашлица, но и средство за превенција на сите болести на органите за дишење.
Можат да се консумираат сите нејзини делови – и коренот и листовите и цветовите – но најчесто се користат коренот и листовите. Освен со слуз, слезот е полн и со пектин и танин, како и бројни минерали.
Најчесто се користи во вид на чај, кој помага против калицата и бронхитисот. Со него може да се испираат и затнатиот нос и да се ублажи болката во грлото.
Чајот од слез им се препорачува и на лицата кои болно уринираат или задржуваат урина.
Во комбинација со камилица, дава олеснување кај пушачката кашлица, а може да се користи и за лекување на чиреви и хидратација на сува и иритирана кожа.
Освен како чај, слезот може да биде намирница и за подготовка на десерт. Имено, поради неговата леплива и сунѓереста структура, како и високиот удел на шеќер (дури 75 проценти), на Западот одамна се користи и за подготовка на колачи.
