Западен Балкан, секоја година губи милијарди евра поради миграцијата на младите, покажува истражувањето на Вестминстер фондацијата за демократија и Институтот за развој и иновации.
Студијата проценува дека загубата во областа на образованието поради заминување на младите луѓе е од 840 милиони до 2,46 милијарди евра годишно, пренесува набљудувачот на ЕУ.
Западен Балкан исто така губи околу 3,08 милијарди од растот на БДП поради миграцијата на младите, што е вкупно околу 5,5 милијарди евра годишно.
Студијата проценува дека образованието на поединец, вклучувајќи основно училиште, средно училиште и факултет, чини 25.000 евра.
Емил Атанасовски, директорот на Вестминстер фондацијата за демократија (WFD) за Западен Балкан, вели дека висококвалификуваната сила има корист од глобалната економија бидејќи земјите кои се дестинации за младите се натпреваруваат да понудат подобри услови за престој во земјата за да привлечат високо квалификувани луѓе.
WFD е основана во 1992 година и е финансирана од британската влада.
Атанасовски вели дека за разлика од некои источни земји каде миграцијата започна кога тие земји се приклучија на Европската унија, миграцијата од Западен Балкан е тренд кој трае повеќе од половина век.
Некои од причините за миграцијата беа распадот на Југославија, војните во 1990-тите и економските последици што ги донесоа овие настани.
БиХ е една од најпогодените земји во регионот, а некои студии покажуваат дека речиси половина од населението родено во таа земја повеќе не живее таму.
На пример, Косово загуби околу 15 проценти од своето население од 2007 до 2018 година.
Структурата на мигрантите се промени, па сега младите луѓе заминуваат во странство кои сакаат да студираат таму или ги завршиле студиите на Балканот, па затоа бараат иднина во странство.
