четврток, 7 јули 2022
ПочетнаЛУКСУЗ И ПАТУВАЊЕЛава од вулканот на Канарските Острови навлегува во куќите, луѓето се евакуираат(ВИДЕО)

Лава од вулканот на Канарските Острови навлегува во куќите, луѓето се евакуираат(ВИДЕО)

Вулкан на Ла Палма, на северозапад од архипелагот, еруптира во неделата исфрлајќи лава неколку стотини метри високо во воздухот и слевајќи се кон Атлантскиот Океан.

Ова според вулканолозите е прва вулканска ерупција во последните 50 години на тој архипелаг западно од Африка.

„Канарските Острови се безбедни и може да се посетат, а ерупцијата на вулканот таму создава прекрасно шоу“, изјави вчера шпанската министерка за туризам, Марија Рејес Марото.

Неколку часа потоа беа евакуирани пет илјади луѓе поради ерупцијата на вулканот.

„Островот е отворен“, изјави Марото нарекувајќи ја ерупцијата прекрасно шоу.

Нема ограничувања за патување на островот. Всушност, ние споделуваме информации со туристите за да знаеме дека може да уживаат во нешто невообичаено, да го видат со свои очи“, рече таа.

Подоцна околу 360 туристи беа евакуирани од летувалиштето во Ла Палма и беа однесени на блискиот остров Тенерифе, изјави портпаролот на бродската компанија, Фред Олсен.

Уште 180 туристи би можеле да бидат евакуирани подоцна во текот на денот, додаде тој.

Регионалниот лидер Виктор Торес рече дека лавата од вулканот ќе стигне до морето во 20 часот по локално време додавајќи дека вулканот ќе биде активен уште неколку дена. Досега се евакуирани илјадници луѓе, а лавата буквално проголта неколку куќи.

НАЈНОВИ ВЕСТИ

ХОРОСКОП