Доколку се изгорите, подобро е веднаш по настанувањето на оваа непријатна состојба на тоа место на кратко да пуштите ладна вода, а потоа млака, со цел да се потикне циркулацијата. Потоа треба да се намачкате со овој едноставен домашен мелем од свинска маст, белка од јајце и ракија.
Никојпат спасот не го барајте само во ладната вода, бидејќи тоа е моментална помош која делува така што ја лади кожата, ја намалува болката и ги смирува нервите, но пликовите сепак ќе се појават, и токму затоа потоа ви е потребен овој домашен мелем.
При изгоренци експертите за народна медицина советуваат да направите домашен мелем кој многу лесно се подготвува: 3 полни лажици свинска маст, кои ќе ги исплакнете со млаз ладна вода, а потоа ќе ги помешате со една белка од јајце и една чашка домашна ракија. Изматете ја смесата со миксер додека не добиете компактна хомогена смеса, како шлаг.
Вака подготвениот мелем е делотворен при изгореници од масло, од рерна, врела вода, жар, сонце или слично бидејќи ја стимулира регенерацијата на кожата, не предизвикува болки и ја спречува појавата на лузни.
Изгореното место треба да го мачкате три до четири пати секој ден во тенок слој. Мелемот може да го чувате во фрижидер до 12 месеци.
