Домашната компанија „Осигурување Кјуби Македонија“ (QBE Македонија) во иднина ќе го носи името „Осигурување Македонија – Виена Иншуренс Груп“.
Промената е резултат на купувањето од страна на „Виена Иншуренс Груп“ (Vienna Insurance Group (VIG), австриската групација базирана во Виена која сега е нов сопственик на поранешното Кјуби Македонија.
Промената на името на Друштвото, исто така, резултира и со процес на ребрендирање.
– Убеден сум дека промените во компанијата ќе придонесат за понатамошен одржлив развој на „Осигурување Македонија“. Нашите клиенти можат да се потпрат на цврст осигурувач што поседува докажана стабилност, финансиска безбедност и професионална стручност низ својата долга историја.
Засилени од професионалниот капацитет на „Виена иншуренс груп“ ќе продолжиме во таа насока, оценува во соопштение Бошко Андов, генерален менаџер на „Осигурување Македонија“.