Производителот на автомобили „Stellantis“ ги продолжува паузите во производството во неколку фабрики во Европа, поради недостаток на микрочипови, изјави портпаролот на компанијата, цитиран од „Reuters“.
Автомобилските компании, кои сѐ повеќе зависат од таквите компоненти, се соочуваат со жестока конкуренција од индустријата за полупроводничка електроника, која беше погодена од серија проблеми во синџирот на снабдување за време на пандемијата со коронавирусот.
Фабриките во Рен и Сошо во Франција, како и фабриката во Ајзенах во Германија, мораа да се затворат во текот на минатата недела.
Производството ќе остане во застој во фабриката во Рен. Во италијанската фабрика на „SevelSud“, исто така, ќе биде затворена, како што беше претходно најавено, рече портпаролката.
Една од производствените линии во Сошо не беше пуштена во понеделник, а фабриката во Ајзенах нема да биде отворена во понеделник и вторник, додаде таа.
