Американскиот претседател Џо Бајден, наводно, бил фатен како дреме за време на состанокот со израелскиот премиер Нафтали Бенет во Белата куќа во петокот. Ова не е првпат да му се случи вакво нешто на Бајден.
Видеото во кое Бајден изгледа спие додека Бенет го гледа и зборува за врската помеѓу двете земји стана вирално на социјалните мрежи, пренесуваат светските медиуми.
Започна дискусија под хаштагот SleepyJoe, во која корисниците на социјалните мрежи анализираа дали американскиот претседател, кој седеше со малку спуштена глава и прекрстени раце, навистина спиел за време на состанокот.
„Отстранете го Џо Бајден сега. „Нашата земја е во опасност бидејќи е под контрола на човек кој не може да остане буден ниту за време на состанокот со израелскиот премиер“, “Разбуди Џо. Мораш да го потпишеш писмото за оставка“, се само некои од коментарите на Твитер.
