Некои автомобилски изданија често покажуваат многу скапи автомобили, додавајќи ги сите опции понудени во конфигураторот на производителот.
Сепак, овие автомобили постојат само виртуелно, додека овој „Audi RS7 Sportback“ е потполно реален. И тоа е најскапиот примерок на моделот што некогаш е продаден.
Возилото се наоѓа во Шведска, каде „RS7“ е веќе многу скап. Неговата цена започнува од 1.219.300 шведски круни, што е околу 118.458 евра. Интересно, на пример, во САД, овој автомобил е далеку поевтин – 114.000 долари (97.170 евра).
Во овој случај, сепак, ова „Audi“ е преполно со речиси сите додатоци, вклучувајќи ја и специјалната боја „Daytona Grey“. И така неговата цена надминува 200.000 евра, за што едно лице во Шведска може да купи „Audi R8 V10“ во најдобро можно ниво на понудена опрема.
Како автомобил дизајниран за европскиот пазар, не е совршен, затоа што овој „Sportback“ со 600 ks има ограничувач на звук од моторот, како и филтер за честички. Така, 4,0-литарскиот „TFSI“ со твин-турбо не звучи толку импресивно.
Сепак, „А7“ останува еден од најубавите автомобили на пазарот, особено во верзијата „RS7“ со толку многу додатоци. Покрај мат бојата, меѓу нив има акценти на карбонски влакна, тркала од 22 инчи и ентериер од Алкантара.
