Сообраќајот на аеродромите во Париз во јули беше најголем од почетокот на здравствената криза благодарение на летните патувања, воведувањето здравствени сертификати во Европа и напредокот на вакцинациите, објави специјализираното издание „boursorama.com“.
Ова е најдобар резултат од почетокот на здравствената криза, но сепак е помалку од половина (48 проценти) од волуменот во јули 2019-та година.
Во јуни, патниците на аеродромите во Париз учествуваа со 28,8 проценти од нивниот број во 2019-та година.
Речиси 5,1 милиони патници минаа преку аеродромите Орли и Роаси во минатиот месец, што е за 2,6 милиони повеќе отколку во јули 2020-та година, соопшти аеродромскиот оператор „Groupe ADP“.
Првите податоци за август изгледаат охрабрувачки за европските аеродроми, според Евроконтрол, кој известува помеѓу 9-ти и 15-ти август за воздушниот сообраќај, во износ од 70,5 проценти во споредба со истиот период во 2019-та година.
Лондонскиот аеродром Хитроу, исто така, го објави јули како најдобар месец од почетокот на пандемијата.