Основачот на Мајкрософт и мултимилијардер Бил Гејтс објави дека ќе одвои 1,5 милијарди долари за борба против климатските промени.
Парите ќе бидат пренасочени од неговиот инвестициски фонд во Breakthrough Energy, и ќе бидат инвестирани во соработка со американската влада, пренесува Си -Ен -Ен.
“Избегнувањето на климатската катастрофа ќе бара нова индустриска револуција. Треба да направиме технологија и производи кои не предизвикуваат емисии на штетни гасови”, рече тој.
Таа технологија, додаде тој, мора да биде поевтина за да може целиот свет да си го дозволи тоа.
