Да се храните со интегрални житарици значи да јадете исклучиво цели зрна, без оглед дали во варен или печен облик. Интегралните житарици го намалуваат холестеролот, помагаат во превенцијата на срцевите болести и ракот на дебелото црево и го регулираат шеќерот.
Јачмен
Оваа житарица е исклучително хранлива бидејќи содржи квалитетни материи како што се протеините, влакната, сложените јаглехидрати, минералите и витамините. Јачменот ги прочистува крвните садови и поволно делува на коскената маса.
Пченка
Таа содржи големо количество скроб, но тука се и растителните влакна, протеините, јаглехидратите, белковините, бета каротенот, незаситените растителни масти, фолната киселина, минералите и витамините. Пченката поволно влијае на мускулната и коскената маса, на бубрезите и црниот дроб.
`Рж
Оваа намирница е најбогата со манган и Б витамин, па затоа е корисна за одлично функционирање на нервниот систем.
Пченица
Интегралното зрно од пченицата содржи селен, фосфор, магнезиум, манган, цинк, железо, калциум, калиум и витамини Е, Б, бета каротен. Варените зрна со редовна консумација ја спречуваат појавата на опстипација, хемороиди и рак на дебелото црево.
