Германците ги подобруваат лековите: БиоНТек ќе користи mRNA технологија против маларија

Фармацевтската компанија БиоНТек денес објави дека сака да ја користи mRNA технологијата за борба против маларијата, која беше применета на нејзината вакцина против коронавирус.

Германската компанија, која ја разви првата широко одобрена вакцина против коронавирусот заедно со американскиот партнер Фајзер, има намера да започне клинички испитувања за безбедна и високо ефективна вакцина против маларија до крајот на следната година, објави АП.

БиоНТек наведува дека исто така сака да отвори фабрика за производство на mRNA вакцини во Африка, која спаѓа во регионите кои се борат да добијат доволно дози од вакцината против ковид-19.

Компанијата претходно изјави дека работи на кандидат за вакцина против туберкулоза, за која клиничките испитувања треба да започнат во 2022 година, како и на терапии за неколку видови на рак.