петок, јануари 21, 2022
ПочетнаКАРИЕРАЌе одите на одмор? Експертите ве советуваат да одморите и од социјалните...

Ќе одите на одмор? Експертите ве советуваат да одморите и од социјалните мрежи

Социјалните мрежи (без оглед која ја користите и ја сакате најмногу) се неизоставен дел од нашите животи. Се проценува дека повеќето луѓе поминуваат во просек 144 минути на ден престојувајќи на социјалните мрежи.

Колку се добри или лоши социјалните мрежи за нашето ментално и физичко здравје зависи пред се од тоа колку ги користиме секојдневно и колку тие значат за нас лично. Од една страна, тие ни овозможуваат да останеме во контакт со луѓето кои се клучни за нашите животи, како што се семејството и пријателите, тие ни обезбедуваат место за забава и откривање нови работи. Од друга страна, оние помрачните, пак, влијаат на нашата благосостојба затоа што не прават ранливи на cyberbullying, лажни вести, менуваат како се гледаме себеси и слично.

На тоа треба да се додадат еден куп негативни вести што можат да се прочитаат на интернет, како и постојана споредба на сопствениот живот со животот на славните, влијателите, па дури и пријателите.

Но, психолозите предупредуваат дека ако социјалните мрежи повеќе не ви даваат задоволство и се чувствувате како да се полни со негативни коментари и новости, треба да направите пауза. Особено ако социјалните медиуми се последното нешто што го гледате пред спиење и првото нешто што го гледате откако ќе ги отворите очите.

Наместо да посегнете по вашиот паметен телефон точно наутро и да проверите што објавиле или направиле вашите пријатели и семејство додека спиете, тие ве советуваат да се фокусирате на себе и на работите што ве прават среќни лично.

Затоа, оваа година, за време на вашиот летен одмор, исклучете ги известувањата на социјалните мрежи и уживајте во моментот. Дружете се со други луѓе, испробајте нешто ново, доживејте го светот преку вашите очи, а не со филтри во апликациите.

Доколку навистина не можете без да фотографирате и да објавувате фотографии на социјалните мрежи, поставете одредено време од денот кога ќе се посветите на тоа. И, се разбира, држете се до тој распоред. И за остатокот од денот, заборавете на Facebook, Twitter, TikTok, Snapchat, Instagram и сите други мрежи што можеби ги користите.

Пријатен одмор!

НАЈНОВИ ВЕСТИ

ХОРОСКОП