понеделник, 8 август 2022
ПочетнаЕКОНОМИЈАЕУ планира да овозможи следење на трансфери на Биткоин

ЕУ планира да овозможи следење на трансфери на Биткоин

Предложените измени на законот на ЕУ ќе ги принудат компаниите што вршат трансфери со биткоин и други крипто-валути да собираат податоци за испраќачите и примателите, а овие предлози ќе овозможат следење на крипто-валутите и ќе помогнат да се спречи перење пари и финансирање тероризам, соопшти Европската комисија.

Новите правила, кои би можеле да бидат донесени за две години, исто така, ќе оневозможат да се обезбедат анонимни трансфери на крипто-валути, односно анонимни „крипто паричници“, УСБ-уреди на кои се чуваат крипто-валути.

Ставот на Европската комисија е дека трансферите во крипто-валути треба да подлежат на истите правила против перење пари како и обичните електронски трансфери, така што еден од предлозите е компаниите што вршат трансфери на крипто-валути да бидат обврзани да наведат име, адреса, датум на раѓање и број на сметката на примателот.

За да станат законски, предлозите ќе треба да бидат одобрени од земјите-членки на ЕУ и Европскиот парламент.

НАЈНОВИ ВЕСТИ

ХОРОСКОП