Bank of America, втората по големина банка во САД, овозможи биткоинот да се тргува со фјучерси за дел од клиентите.
Како и повеќето институции, банката беше конзервативна во пристапот до крипто-секторот, но поради големата маржа потребна за тргување со фјучерси, сега им овозможува на некои клиенти пристап до крипто пазарот, рече еден извор. Некои клиенти се подготвуваат да тргуваат со фјучерси на биткоин кои се подмируваат во готовина, а еден или два можеби веќе поминале во живо, изјавил за Coindes добро информиран извор.
Бројни инвестициски банки, наводно, им овозможуваат на клиентите да инвестираат во крипто производи. Во март, Goldman Sachs ги потврди плановите за рестартирање на својот деск за тргување со крипто-валути по тригодишна пауза, а во мај банката започна да купува и продава фјучерси на биткоин во блок-тргувања преку групацијата Chicago Mercantile Exchange (CME), користејќи го Cumberland DRW како свој трговски партнер.
