Уделот на Кина во глобалното рударење на биткоини се намалува оваа година, додека Казахстан се искачува на третото место во глобалната индустрија, според студијата на Универзитетот во Кембриџ.
Студијата, објавена во четвртокот, покажува дека уделот на Кина во април достигна 46% од приносот на најпопуларната криптовалута во светот, што е остар пад во споредба со 75,5% пријавени во септември 2019-та година. Сепак, земјата го задржува првото место.
Казахстан се зголеми скоро за шест пати во истиот период. Приносите во земјата се зголемија од 1,4% на 8,2%.
Во меѓувреме, САД објавија раст од 4,1% до 16,8%, рангирајќи се на второто место, додека Русија и Иран се рангирани на четвртото и петтото место.
Рударењето со биткоини, во кое се потврдуваат трансакциите и се произведуваат нови монети, е процес со голема потрошувачка на енергија. Компјутерите ширум светот се натпреваруваат за решавање сложени математички загатки со цел да се изврши трансакција. Победникот на овој вид на конкуренција добива биткоини.
Зголемената цена на оваа криптовалута охрабрува се повеќе и повеќе луѓе во последниве години да купуваат опрема погодна за предметниот процес на копање, што на крајот води до изградба на посебна индустрија насочена кон производство и продажба на опрема за рударење на криптовалути.
Колку повеќе луѓе извлекуваат биткоин, толку повеќе енергија се троши.
Ова предизвикува загриженост за потенцијалното влијание на биткоинот врз животната средина, особено со оглед на тоа што голем дел од екстракцијата се одвива во Кина, која останува во голема мера зависна од јаглен. Властите во неколку кинески региони, вклучувајќи ги Сечуан, Ксинџијанг и Внатрешна Монголија, го ограничија рударењето на криптовалути во последните месеци.
Според аналитичарот од Кембриџ, Мајкл Рауч, тешко е да се одреди енергетската мешавина кај биткоинот. За време на влажно време, кинеските „копачи“ честопати се упатуваат кон Сечуан, каде што голем дел од енергијата се создава од хидроцентрали.
Пресметките на Рауч покажуваат дека уделот на Сечуан во вкупното производство на биткоини во Кина се зголеми од 14,9% на 61,1% на почетокот на дождовната сезона, додека уделот на Ксинџијанг се намали во исто време од 55,1% на 9,6%.
Тој исто така сугерира дека многу рудари за биткоини побегнале од Кина во соседниот Казахстан, поранешна советска република, пред јунската репресија. Според „Bloomberg“, капацитетот за производство на енергија на Казахстан надминува 22 гигавати, од кои повеќето доаѓаат од јаглен и фосилни горива.
Лошите еколошки перформанси на биткоинот го претвораат токенот во контроверзно средство во време кога социјалната и еколошката одговорност се во центарот на внимание на инвеститорите. Во мај, шефот на „Teѕla Inc.“ Илон Маск рече дека ја прекинува продажбата на електрични автомобили за биткоини, освен ако криптовалутата не биде извлечена со поодржлива енергија.
