„Diageo“, производителот на брендови како „Johnnie Walker“ и „Smirnoff“, постигна резултати дури и подобри од последната фискална година, како и од очекуваните од експертите. Видете го рангирањето за најголемите компании за производство на алкохолни пијалаци:
„Campari“.
Италијанската компанија за алкохолни пијалаци има промет од 1,2 милијарди евра за изминатата година, но се уште е една од помалите компании. Фамилијарниот бизнис сепак е сериозен конкурент, бидејќи „Campari“ ја зголеми продажбата за дури пет пати од средината на 90-тите години. Нивното последно купување беше Јамајканскиот рум на производителите „Lascelles de Mercado“ за 330 милиони евра. Меѓу најпознатите марки на Италијанците се „Campari“, „Aperol“, „Glen Grant Whiskey“, „Ouzu 12“ и виното „Sella & Mosca“. Со тоа успешно портфолио нивната појава во првите 5 е само прашање на време.
А сега и најдобрите пет во светот:
Петто место: „Brown-Forman“.
Американскиот концерн е познат по своите брендови на виски – особено „Jack Daniel’s Tennessee Whiskey“. Други нивни брендови се „Canadian Mist Whiskies“, „Southern Comfort“, „Early Times Kentucky Whisky“, „Old Forester Kentucky Straight Bourbon Whisky“, „Woodford Reserve Kentucky Straight Bourbon Whiskey“, како и марките на текила „Pepe Lopez“ и „Don Eduardo“.
Продадени литри: 180 милиони.
Приход од продажба: 3.6 милијарди долари.
Четврто место: „Beam Global“.
Американската компанија е основана во 1795-та година во Кентаки. Од мал објект за дестилирање се претвора во четвртиот по големина во светот концерн со 3200 вработени. Денеска дел од компанијата се марките „Jim Beam Whiskey“, „Maker’s Mark Whisky“, „Pinnacle Vodka“, „Courvoisier Cognac“, „Canadian Club Whisky“, „Sauza Tequila“ и „Teachers Whisky“.
Продадени литри: 270 милиони.
Приход од продажба: 2,8 милијарди долари.
Трето место: „Bacardi“.
Специјалистот за рум со седиште во Бермуди ги држи правата и на марките „Martini“, „Bombay Saphire Gin“, „Dewar’s Blended Scotch Whisky“, „Cazadores Tequila“ и „Grey Goose Wodka“. Во светот за брендот работат 5800 лица. Оваа година компанијата ја слави својата 150 годишнина. Таа е основа во 1862-та година во Куба од Шпанецот Дон Факундо Бакарди Масо.
Продадени литри: 320 милиони.
Приход од продажба: 4.4 милијарди долари.
Второ место: „Pernod Ricard“.
Францускиот гигант е сопственик на брендови како „Absolut Vodka“, „Ballantines“, „Jameson Irish Whiskey“, „Martell Cognac“, „Havana Club Rum“, „Beefeater Gin“, ликерите „Kahlúa“ и „Malibu“, како и „GH Mumm“ и шампањското „Perrier-Jouët“.
Продадени литри: 870 милиони.
Приход од продажба: 8.2 милијарди евра.
Прво место: „Diageo“.
Британската гигантска компанија е лидер во оваа индустрија со години. Со брендови како „Smirnoff“, „Johnny Walker“, „J & B“, „Buchanan’s“, „Baileys“, „White-Horse“ и „Guinness“ таа го задржува челната позиција во рангирањето.
Продадени литри: 960 милиони.
Приход од продажба: 14.6 милијарди фунти.
