Потребни се две дози на вакцина за заштита од делта-варијанта на коронавирусот, соопшти Европската агенција за лекови (ЕМА).
ЕМА ги повика земјите членки на ЕУ да ги забрзаат програмите за вакцинација, додека многу заразната варијанта делта забрзано се шири низ целиот свет.
„Потребни се две дози вакцина против Ковид-19 за соодветна заштита од варијантата делта“, се вели во соопштението на ЕМА.
Европскиот регулатор препорачува употреба на две дози фајзер/бионтек, модерна или астразенека.
