Во денешното модерно општество, многумина од нас ги даваат сè повеќе своите лични податоци со цел за подобро искуство и употреба на производи и услуги обезбедени од повеќе индустрии.
Една од овие клучни индустрии е банкарскиот и финансискиот сектор.
„MoneyTransfers.com“ ги анализираше најновите податоци на „YouGov“ за да утврди кои земји во светот имаат најмногу и најмалку доверба во банките и компаниите за финансиски услуги во врска со нивните лични податоци.
Резултатите покажуваат дека Полска е на првото место, а 85% од Полјаците им веруваат на банките и компаниите за финансиски услуги со нивните лични податоци.
На второ место е Индонезија, каде 70% од луѓето не се грижат дека давателите на финансиски услуги ќе ги злоупотребат нивните лични податоци.
Германија и Индија го делат третото место, а 68% од граѓаните во двете земји веруваат дека банките и компаниите за финансиски услуги компетентно и етички се справуваат со нивните чувствителни информации.
Шведска (61%) и Велика Британија (59%) се меѓу другите земји каде над 56% од граѓаните имаат верба во банки и даватели на финансиски услуги во врска со нивните лични податоци. Тие го заземаат четвртото и петтото место во рангирањето.
Во спротивна насока или на 15-то место е Франција, чии граѓани се најскептични. Само 37% од Французите имаат доверба во банките и компаниите за финансиски услуги во однос на нивните лични податоци.
Непосредно пред Франција, Италија е на 14-то место, бидејќи само 38% од Италијанците имаат доверба во начинот на кој банките и компаниите за финансиски услуги управуваат со нивните информации.
Тринаесеттото место на рангирањето е за Шпанија, каде 43% од граѓаните не се грижат за своите лични податоци кога станува збор за банки и компании за финансиски услуги.
„YouGov“ анкетираше до 2.251 лице во секоја од 17-те земји од рангирањето. Во секоја од овие земји, учесниците беа запрашани: „Дали им верувате на банките и давателите на финансиски услуги со вашите лични информации?“.
