Британската полиција заплени рекордни 294 милиони фунти (344 милиони евра) во крипто валути како дел од истрагата за перење пари од криминални групи кои се свртеа кон криптовалутите.
Лондонската полиција во вторникот објави дека заплениле 180 милиони фунти (210 милиони евра), три недели откако запленија 114 милиони фунти (133 милиони евра) во досега непозната криптовалута.
„Парите сè уште се крал во светот на криминалот, но со развојот на дигиталните платформи сè повеќе гледаме како криминалците користат криптовалути за да ги перат своите валкани пари“, рече заменик-началникот на полицијата во Лондон, Греам МекНолти.
Во рамките на истрагата е уапсена 39-годишна жена.
Бидејќи крипто-валутите се во голема мера анонимни и глобални по природа, некои од најголемите организирани криминални групи во светот ги користат за перење пари и да бидат чекор пред полицијата и даночните власти.
