Италијанскиот јавен долг во јуни достигна ново рекордно ниво од 2,075 милијарди евра, објави во понеделникот италијанската централна банка.
Тоа е за 600 милиони евра повеќе отколку во мај, наведуваат од банката, препишувајќи го ваквиот резултат на зголемувањето на ликвидноста на Министерството за финансии со цел покривање на трошоците на јавната администрација.
Владата се обидува да пронајде начин да го намали високиот јавен долг на земјата, кој изнесува околу 130 проценти од бруто домашниот производ на Италија.
