29 март, 2024
ПочетнаЕКОНОМИЈАОва се земјите со најмногу аеродроми во светот

Ова се земјите со најмногу аеродроми во светот

Да се ​​има неколку опции за слетување и полетување во една земја е предуслов за поевтини авионски билети.

Но, не сите земји можат да се пофалат со голем број аеродроми.

Но сепак има земји кои се рекордери.

Соединетите држави имаат најмногу аеродроми во светот. До 2013-та година, земјата можеше да се пофали со огромен број од 13.513 аеродроми – една третина од сите аеродроми на планетата.

Всушност, САД можат да се пофалат со три пати повеќе аеродроми од земјата што се најде на второто место во ова рангирање, Бразил. На нејзината територија авиони слетуваат на 4.093 места.

На трето место е Мексико со 1.714 аеродроми – не е малку, но во никој случај не може да се натпреварува со соседите.

Вклучувајќи го и бројот на јавни аеродроми за приватни авиони, не само за комерцијални авиокомпании, САД имаат неверојатни 19.536 аеродроми во 2016-та година.

Според статистиката, земјите со најмногу аеродроми не се нужно оние со најголемо население.

Кина и Индија, двете најнаселени земји на планетата, имаат 507, односно 346 аеродроми, рангирајќи ги на 14-то и 21-то место.

Еве го списокот на првите десет земји со најмногу аеродроми:

1. Соединетите држави – 13.513,

2. Бразил – 4.093,

3. Мексико – 1.714,

4. Канада – 1.467,

5. Русија – 1.218,

6. Аргентина – 1.138,

7. Боливија – 855,

8. Колумбија – 836,

9. Парагвај – 799,

10. Индонезија – 673.

26 земји имаат само еден аеродром, како што се Бермуди и Австралискиот Божиќен остров.

Во 79 земји ширум светот има помалку од 10 аеродроми.

НАЈНОВИ ВЕСТИ

ХОРОСКОП