Неколку месеци по премиерата на 11-тата генерација на седанот „Honda Civic“, јапонската компанија го претстави новиот хечбек со 5 врати. Општо, тој е направен според истиот рецепт, и ќе се произведува во САД за прв пат, додека седанот ќе се составува во Канада.
Интересно, „Honda“ ја дефинира оваа модификација како „спортбек“ или купе со 4 врати. Јапонците го напуштија стандардното купе со 2 врати, кое спаѓа во опсегот на модели, бидејќи не се продава добро. Што се однесува до димензиите, хечбекот е пократок од седанот, заради задниот дел. Предната решетка на новата верзија е исто така различна.
Во исто време, ентериерот е добро познат од седанот. Во основната верзија, има 7-инчни мултимедијални екрани и интрумент таблата, додека на високо ниво на опрема тие имаат дијагонали од 10,2 и 9 инчи. Опремата на моделот вклучува аудио систем „Bose“ со 12 звучници и продолжен пакет на безбедносни системи „Honda Sensing“.
Јапонците го позиционираат хечбекот како поспортски модел од седанот. Затоа, суспензијата и управувачот се поставени поинаку. Покрај тоа, варијантата со 5 врати ќе биде достапна со 6-степен мануелен менувач, што недостасува во моделот претставен пред неколку месеци.
Моторите во обете верзии се идентични – 2,0-литарски атмоферски со 160 ks и 1,5 литарски турбо со 183 ks. Алтернативата на рачните менувачи е варијабилен менувач. Производството на моделот ќе започне кон крајот на оваа година, а цените допрва треба да бидат објавени.
