Делта варијантата (индиска варијанта) станува глобално доминантна, рече главниот научник на Светската здравствена организација (СЗО) во петокот.
Вакцините против ковид-19, развиени од Pfizer / BioNTech и AstraZeneca, генерално се ефикасни против делта и капа варијантите на коронавирус, кои за првпат беа идентификувани во Индија, покажа новата научна студија.
Студијата на научници од Универзитетот во Оксфорд, објавена во списанието Cell, ја утврди способноста на антителата во крвта на луѓето кои ги примиле обете дози на вакцината да ги неутрализираат високоинфективните варијанти на делта и капа, се вели во соопштението.
Нема докази за големо вирусно бегство од имунитет што сугерира дека сегашната генерација на вакцини ќе обезбеди заштита од вирусните варијанти Б.1.617, се вели во студијата. Ова се варијантите на делта и капа што за прв пат беа идентификувани во Индија.
Но, концентрацијата на неутрализирачки антитела во крвта била малку помала, што може да доведе до бројни инфекции, предупредуваат научниците.
Минатата недела, анализата на Англиската агенција за јавно здравје (PHE) покажа дека вакцините произведени од Pfizer и AstraZeneca обезбедуваат висока заштита од повеќе од 90 проценти од хоспитализација од делта варијанта на вирусот.
Делта варијантата станува глобално доминантна варијанта, рече во петокот главниот научник на Светската здравствена организација (СЗО).
Научниците од Оксфорд исто така ја анализирале фреквенцијата на реинфекција кај луѓето кои прележале ковид-19.
Ризикот од повторна инфекција со варијантата делта се покажал како особено висок кај лицата кои биле заразени со бета и гама варијанти, кои настанале во Јужна Африка и Бразил.
Претходната инфекција со алфа варијантата (Б117), прва откриена во Велика Британија, обезбедува „разумна“ заштита од сите варијанти кои се загрижувачки и може да биде основа за развој на нова генерација на вакцини.
Б117 може да биде кандидат за вакцини против новите варијанти за да се обезбеди најширока можна заштита, велат научниците.
