Група од петнаесет земји од Западна Африка во саботата усвои нов план за лансирање на единствена валута во 2027 година, откако претходниот план беше нарушен од пандемијата.
Новата стратегија беше договорена од шефовите на држави на Економската заедница на западноафриканските држави (ECOWAS), рече Жан-Клод Каси Бру, претседател на Комисијата ECOWAS, на прес-конференција по самитот во Гана.
Земјите се надеваат дека единствената валута ќе помогне во зајакнувањето на трговијата и економскиот раст.
„Заради шокот поврзан со пандемијата, шефовите на државите одлучија да ја прекинат имплементацијата“, рече Бру.
„Имаме нов план и нов договор за конвергенција што ќе го опфати периодот помеѓу 2022 и 2026 година, а во 2027 година ќе биде лансирана „еко“, рече тој, повикувајќи се на името на новата валута.
