Федералните резерви во средата значително ги зголемија очекувањата за инфлацијата во оваа година и поставија временска рамка кога следен пат ќе ги зголемат каматните стапки.
Сепак, централната банка не даде индикации кога ќе започне да ја намалува својата агресивна програма за купување обврзници.
Како што се очекуваше, Федералниот комитет за отворен пазар што прави политики едногласно ја остави референтната стапка на краткорочно позајмување закотвена близу нула. Но, официјалните лица навестија дека зголемувањето на стапката може да се случи во 2023-та година, откако во март рекоа дека зголемувањето нема да се случи барем до 2024-та година. Таканаречената точка на очекувањата на индивидуалните членови укажува на две зголемувања во 2023-та година.
Иако ФЕД ја зголеми очекуваната инфлација на 3,4%, што е за цел процентен поен повисок од предвидениот во март, во изјавата по состанокот се вели дека инфлациските притисоци се „минливи“.
„Тоа не го очекуваше пазарот“, рече Џејмс Мекен, заменик главен економист во „Aberdeen Standard Investments“. „ФЕД сега сигнализира дека стапките ќе мора да растат порано и побрзо, а нивната прогноза сугерира на две зголемувања во 2023-та година. Оваа промена на ставот се совпаѓа малку со неодамнешните тврдења на ФЕД дека неодамнешниот скок на инфлацијата е привремен“, додава тој.
Пазарите реагираа на вестите на ФЕД, со пад на акциите и повисоки приноси на државните обврзници.
Дури и со зголемена прогноза за оваа година, одборот сепак гледа дека инфлацијата ќе биде во тренд на целта од 2% на долг рок.
„Очекуваме инфлацијата да се намали, значајно кон нашата цел“, рече претседателот на ФЕД Џером Пауел на прес-конференција по состанокот.
Но, Пауел рече дека некои од динамиките поврзани со повторното отворање „ја зголемуваат можноста инфлацијата да се покаже повисока и постабилна отколку што очекувале“.
Официјалните лица ги зголемија очекувањата за БДП-то за оваа година на 7% од претходните 6,5%. Проценката на невработеноста остана непроменета на 4,5%.
Инвеститорите внимателно го следеа состанокот, барајќи изјави за тоа како претставниците на ФЕД гледаат на рапидното проширување на економијата од длабочините на пандемиската криза во 2020-та година.
