Познато е дека Бил Гејтс е најголемиот приватен сопственик на земјоделско земјиште во САД, но она што досега не беше познато е дека компирот од кој се прави помфритот во Мекдоналдс се одгледува во полињата на милијардерот.
Според американските медиуми, компирот за помфрит на ланецот за брза храна Мекдоналдс се одгледува на полињата во државата Вашингтон кои се толку големи што можат да се видат од вселената.
Гејтс поседува повеќе од 108.000 хектари земјоделско земјиште во 18 држави, што го прави најголем приватен сопственик на земјоделско земјиште во Америка.
Неговата сопственост на земјоделското земјиште се најде под строг надзор откако тој и неговата сопруга Мелинда објавија дека се разведуваат по 27 години брак.
Гејтс е четвртата најбогата личност во светот, чие богатство се проценува на 144 милијарди долари.