Министрите за трговија на САД и Кина разговараа по телефон и се согласија да промовираат здрави трговски односи и да работат заедно за надминување на несогласувањата, соопшти во четвртокот кинеското министерство за трговија.
Двете страни ја признаа важноста на размената и комуникацијата на бизнисот, се вели во соопштението објавено по разговорите меѓу кинескиот министер Ванг Вента и американскиот државен секретар Џина Раимондо.
„Тие се согласија да го промовираат здравиот развој на трговијата и инвестициите и соработката на прагматичен начин, со цел да се решат несогласувањата“, се вели во соопштението.
Кинескиот вицепремиер Лиу разговараше со американскиот министер за финансии Џенет Јелен и минатиот месец одржа слична „искрена размена на ставови“ со претставникот на трговијата на САД, Кетрин Таи.
Двете најголеми светски економии се судрија за многу прашања, а американскиот Сенат оваа недела донесе серија закони кои имаат за цел да ја зајакнат способноста на земјата да се натпреварува со кинеската технологија, предизвикувајќи силни критики од Пекинг. Во средата, сепак, претседателот Бајден повлече низа укази на Трамп со кои се забрануваат „TikTok“ и „WeChat“ и побара од Министерството за трговија да направи анализа на безбедносните ризици што ги носат овие и слични апликации.
