Во Швајцарија минатиот месец дошло до раст на стапката на невработеност на 3,0 проценти од активните граѓани, додека во јуни таа изнесувала 2,9 проценти, па вкупниот број на регистрирани невработени лица сега изнесува 128.516, објави швајцарскиот Секретаријат за економија.
Во соопштението се додава дека бројот на невработени во категоријата најмлади, од 15 до 24 години, е зголемен за 13,3 проценти, додека вкупниот број на невработени на годишно ниво пораснал за 10,5 проценти.
Истиот извор наведува дека стапката на невработеност во Швајцарија во последните месеци е сепак на најниско ниво од почетокот на 2012 година.