Во мај светските цени на храната скокнаа на највисоко ниво во скоро една деценија, зголемувајќи се за 40 проценти во однос на претходната година.
Ова го објави Организацијата за храна и земјоделство на Обединетите нации (ФАО).
Индексот на цените на храната на ФАО се зголемува 12 месеци по ред за да го достигне највисокото ниво од септември 2011-та година, водени од поголемите трошоци за растителни масла, шеќер и житни култури.
Цените се зголемија за 4,8% во споредба со април, најбрз раст на месечно ниво од октомври 2010-та година, и за скоро 40% во споредба со мај 2020-та година.
Во мај, индексот достигна 127,1 поени – само 7,6% од својот пик во февруари 2011-та година, соопшти ФАО.
Наглиот пораст на цените на храната доаѓа исто така кога пандемијата со Ковид-19 исфрла милиони луѓе од работа, додавајќи го стравувањето за безбедноста на храната, кои веќе се високи како резултат на конфликтите и климатските промени.
ФАО истакна дека цените на житните култури се зголемија, „дури и кога светското производство на житни култури е пред достигнување на нов рекорд“.
Во посебен извештај, ФАО соопшти дека очекува зголемување од 1,9% на производството на житни култури во оваа година на рекордни 2,82 милиони тони.
И покрај зголемувањето, од ФАО велат дека глобалниот сооднос на искористените залихи на храна се очекува да падне на 28,1%.