Може ли да се научи иновацијата? Одговорот е ДА, смета Илон Маск, еден од најиновативните претприемачи во модерната ера.
Како што наведува, сè се сведува на одговарање на неколку едноставни прашања.
1. Дали сте пробале?
„Првиот чекор би бил, пробај. Дали сте пробале? Дали се потрудивте? „Ако не сте пробале, пробајте“, рече Маск.
Иновативноста „не е мистериозна работа“, додаде тој.
„Во основа треба да бидете апсолутен перфекционист во врска со производот или услугата што ја правите.“
Како што додаде, тоа не е некое големо откритие.
„Само подобрете го вашиот производ. Тоа е она што навистина е важно“.
2. Како можете да го направите подобро?
„Барате негативни повратни информации од сите страни, од клиенти и од луѓе кои не ви се клиенти“, рече тој.
Додека го правите тоа, треба да си ги поставите истите прашања и себе си и на луѓето кои работат со вас.
„Размислете што би сакале да имате. Разговаравме неколку пати во Тесла за фактот дека не го сакаме овој производ, но сметаме дека ќе им се допадне на другите. И знаете што, тоа навистина не функционира. Ако на вас не ви се допаѓа, не очекувајте да им се допаѓа на другите“.
3. Поминувате ли премногу време во конференциски сали?
„Ако ви се чини дека трошите премногу време на презентации и пресметки, правите погрешно“, вели Маск.
„Тоа е последица, а не причина. Затоа, само излезете, бидете присутни во продавниците и разговарајте со клиентите“.
Тоа е лекција што тој самиот ја научи на потешкиот начин, додаде тој.
„Кога поминувам премногу време во конференциски сали, тогаш работите обично одат наопаку. А кога одам да поминам време во фабрика, да возам автомобили или да размислувам за ракетите, тогаш работите се подобруваат“.
Со оглед на тоа дека во фабриката сте со вработените, се чини дека тие стануваат поактивни.
„Помислете на војна. Дали сакате да го видите генералот сокриен некаде или на фронтот? Војниците ќе се борат посилно ако генералот е со нив“, заклучува тој.
