Скоро третина од логистичките компании во Велика Британија очекуваат оваа година да се соочат со недостаток на возачи на камиони, откако една десетина од компаниите предупредуваат дека проблемите со вработување ќе бидат голема пречка за обнова на нивниот бизнис од пандемијата со коронавирусот.
Лоби групата ја повика британската влада да обезбеди заеми без камати или грантови за обука на повеќе возачи за да ги пополнат празнините во деловната работна сила.
Ова е еден од проблемите што се појавија по Брегзит во врска со пазарот на труд во Велика Британија.
Околу 110 професионални возачи на камиони аплицираа за бенефиции за невработеност во јануари, што е за 27% помалку од пред една година. Податоците од платформата за барање работа „Adzuna“ покажуваат дека огласите за вработување преку Интернет во секторите за транспорт, логистика и складирање беа за 15% повисоки во февруари во споредба со истиот период од минатата година.
Ова ги поддржува доказите на Здружението за патен транспорт, кои беа доставени до министерот за транспорт Грант Шапс во текот на минатата недела. Организацијата посочува дека многу возачи на камиони се вратиле во своите матични земји за време на пандемијата поради националните блокади.
Повеќето од овие возачи не се очекува да се вратат поради построгите визни услови по излегувањето на Велика Британија од Европската унија.
