Американскиот претприемач и милијардер Илон Маск, оваа недела им понуди награда од 100 милиони долари на пронаоѓачите, доколку смислат начини за борба против климатските промени со отстранување на јаглерод диоксид од атмосферата и океаните.
„Во моментов имаме само една планета“, рече Маск, сопственик на производителот на автомобили „Тесла“.
„Дури и ако имаме 0,1 процент шанси за катастрофа, зошто да ризикуваме? Тоа е лудо!”
Маск ја објави наградата од 100 милиони долари уште во јануари, а во четвртокот, Денот на планетата Земја, објави инструкции за натпреварот. Организаторите го нарекуваат натпреварот „најголема стимулативна награда во историјата“, и тој ќе трае четири години, до Денот на планетата Земја 2025 година.
„Фаќањето“ и складирањето на јаглерод се повеќе го зголемуваат вниманието, во време кога глечерите се топат како резултат на климатските промени, тропските бури се интензивираат и бројот на топлотни удари се зголемува.
Светските земји работат на намалување на емисиите на јаглерод, но научниците истакнуваат дека патот до целта за нула емисии до 2050 година, исто така, ќе игра многу важна улога во технологиите за отстранување на јаглерод.
„Трошоците и надградбата ќе бидат земени во предвид. Дали ќе се отстрани доволно јаглерод и дали можеме да си го дозволиме тоа како цивилизација? Ова се работи што се важни“, рече Маск во видео порака со бос човек опкружен со вода и дрвја.
Проектите за отстранување на јаглерод веќе добија поддршка од стартапите на Силиконската долина, јавните службеници загрижени за бавното намалување на емисиите, но и компаниите со високи емисии заинтересирани за нивно намалување.
Оваа технологија сè уште не е комерцијално исплатлива. Отстранувањето јаглерод може да чини повеќе од 300 долари по тон јаглерод, во свет кој произведува 50 милијарди тони јаглерод диоксид годишно. Научниците проценуваат дека 10 милијарди тони јаглерод ќе треба да се отстранат до 2050 година, пишува Ројтерс.
„Мислам дека е една од оние работи за кои е потребно време да се најде вистинското решение“, рече Маск.
„Особено за да се разбере најдоброто економско решение за отстранување на СО2“.
Конкурсот за отстранување на јаглероден карбон на Маск има за цел да најде решение за отстранување на илјадници тони од атмосферата секоја година, со потенцијал за надградба.
Оние кои аплицираат мора да имаат план за отстранување на јаглерод најмалку сто години. Организаторите најавија дека ќе ги разгледаат апликациите до средината на мај.
