Во институтот „Торлак“ во Србија почна производството на руската вакцина „спутник В“.
Оваа вакцина во иднина ќе може да се извезува во земјите од регионот, соопшти Рускиот фонд за директни инвестиции, пренесоа српските медиуми.
„РФПИ и Институтот за вирусологија, вакцини и серуми ‘Торлак’ објавуваат дека почна производството на руската вакцина против коронавирусот ‘спутник В’ во Србија. Со ова, Србија стана првата држава во Јужна Европа која ќе ја произведува ‘спутник В’“, објави фондот.
Оттука додаваат дека производтсвото во Србија е во согласност со најстрогите стандарди.
