Кај секој трет преживеан пациент од коронавирус, шест месеци по лечењето, му е дијагностицирано невролошко или психијатриско нарушување, покажала студијата во која учествувале повеќе од 230.000 испитаници, претежно од Америка.
Според стручното списание „Lancet Psychiatry“, по пандемијата, како последица се очекува зголемување на невролошки и психијатриски пациенти. Најчестите психијатриски нарушувања кои се јавуваат се анксиозност и депресија, иако на научниците не им е јасно како овие нарушувања се поврзани со вирусот.
Во новото истражување, научниците ќе го бараат одговорот зошто се појавуваат вакви нарушувања.
