Британскиот актер Бенедикт Камбербач верува дека можеби бил нулта пациент на почетокот на пандемијата на коронавирусот.
Актерот номиниран за Оскар ја проучува мистериозната болест со која се зарази минатата година.
Откако ги анализирал симптомите што ги имал, тој сега верува дека е еден од првите што се заразил со ковид-19.
„Бев неверојатно болен“, откри Камбербач за „Индипендент“.
Откако ги прочитал првите извештаи за пандемијата, 44-годишниот актер изразил загриженост дека може да придонесе за ширење на пандемијата.
„Се прашував, Боже, дали е навистина можно да сум бил нулта пациент“, рече тој за „Индипендент“.
Актерот роден во Лондон на крајот на 2019 година отпатувал во Кејптаун во Јужна Африка за да го сними филмот „Мавританецот“ кога се зарази со коронавирусот.
„Бев многу болен, скоро добив пневмонија“, опиша тој, велејќи дека и покрај тоа што бил болен, тој го завршил филмот повраќајќи меѓу кадри.
Камбербач рече дека снимањето на драмата со режисерот Кевин Мекдоналд му ги отворило очите за заливот Гвантанамо, американски воен затвор во близина на Куба, кој е отворен по нападите на 11 септември за сместување на осомничени за тероризам.
По снимањето на Дневникот во Гвантанамо, засновано врз мемоарите напишани од поранешниот затвореник Мохамеду Улд Слахи, Камбербач рече дека се приклучува на напорите за затворање на Гвантанамо и планира да контактира со претседателот Џо Бајден.
„Тој е најскапиот затвор во светот, ќе го молам да го затвори. Гвантанамо не треба да биде на овој свет“, рече Камбербач.
