Наспроти општото верување, еврозоната ќе има поголема корист од фискалните стимулации оваа година отколку САД, според „UBS Group AG“.
Според Аренд Капетејн, глобален раководител за економски и стратешки истражувања, директната споредба на големината на пакетот е 1,9 трилиони долари на американскиот претседател Џо Бајден со мешавина на национални мерки во еврозоната и неговиот заеднички фонд за закрепнување од 750 милијарди евра е неправилно.
„Она што е важно за растот на БДП-то е промената на фискалниот стимул во споредба со претходната година“, објасни тој. „Иако САД одобрија многу значаен стимул, голем дел од нив едноставно ја заменуваат стимулацијата од минатата година“, рече финансиерот на „UBS Group“.
Капетејн исто така вели дека само околу две третини од американската помош ќе бидат исплатени во 2021-ва година, а дел од трошоците на еврозоната за 2020-та година всушност ќе бидат распределени во оваа година.
На крајот на краиштата, САД ќе добијат позитивен фискален стимул од 0,5% од бруто домашниот производ во оваа година, додека еврозоната ќе дистрибуира двојно повеќе.
Според Капетејн, фискалното забавување треба лесно да се надомести со растот на приватниот сектор, сè додека програмите за вакцинација се успешни и се отстранат ограничувањата за движење.
Пакетот на Бајден предвидува 400 милијарди американски долари за директни плаќања од 1.400 американски долари за повеќето Американци, 350 милијарди долари помош од државната и локалната власт, проширување на даночни олеснувања за децата и зголемување на финансирањето за дистрибуција на вакцините.
Студијата на „UBS Group“ се спротивставува на широко распространетиот став дека постојат ризици од економско „прегревање“ во Соединетите држави поради новите стимулации, но не и во ЕУ. Според многумина, ова се должи не само на различната големина на пакетите за трошење, туку и затоа што еврозоната најверојатно ќе влезе во пандемијата без целосно закрепнување од претходната криза.
