Претпладне ќе биде сончево со мала облачност, а кон југ со зголемена облачност и со повремен дожд. Ќе дува слаб до умерен ветер, кој во долниот тек на Повардарието краткотрајно ќе се засилува, информира УХМР.
Од вечерните часови од југозапад ќе почне нов бран врнежи. Минималната температура ќе биде во интервал од -2 до 7, а максималната ќе достигне од 10 до 15 степени.
Во Скопје сончево со мала до умерена облачност и со слаб до умерен југоисточен ветер. Минималната температура ќе се спушти до 0, а максималната ќе достигне до 14 степени.
В среда и в четврток ќе дува засилен северозападен ветер. Од четврток ќе биде стабилно, а утринските температури на повеќето места ќе бидат негативни. Дневните температури ќе бидат во постепен пораст.