Централната банка на Австралија ги намали каматните стапки на нов минимум од 2,5 проценти, подгревајќи ги стравовите од ново економско забавување во пресрет на изборите.
Банката за резерви на Австралија (RBA) ја намали клучната каматна стапка за 25 базни поени на ниво кое не е забележано од основањето на банката во 1959 година, неколку недели пред националните избори кои се закажани за 7 септември, пренесува агенцијата Франс Прес.
Гувернерот на „RBA“ Глен Стивенс како причини за намалувањето на каматните стапки ги наведе инфлацијата и малопродажбата.
„Економијата бавно напредуваше во последната година. Се очекува таквиот тренд да продолжи и во блиска иднина, бидејќи економијата се прилагоди на намалени инвестиции во рударството“, додаде тој.
