Заев: Владата размислува да и се оддолжи на Србија за вакцините

Во знак на благодарност на Србија за вакцините дадени на Северна Македонија, премиерот Зоран Заев вчера ја објави можноста граѓаните на Србија да не плаќаат патарини во нашата земја ова лето.

Тоа го кажа во интервју за телевизијата „Канал 5“ и процени дека вредноста на вакцините кои Србија и ги даде на Северна Македонија е поголема од 700.000 евра.

„Чувствуваме потреба да на пријателството возвратиме со пријателство. Размислуваме и не знам дали е изводливо или не, Владата ова лето да ги купи картичките за патарина за сите со српски регистарски ознаки и пасоши, за да ги ослободи од патарините. Да возвратиме на некој начин“, рече Заев.